KEBAKTIAN BULANAN

PARTANGIANGAN MANOGOT SEMINARI SIPOHOLON
STGH, SIKKOLA PANDITA, SMP, SMK1, SMK 2
Jumat, 22 Mei 2009
Di Auditorim HKBP

1. Panjouon masuk tu partangiangan (jongjong)

U :Horas, horas ma dihamu luhutan ni djahowa. hamu angka dongan na porsea di Jesus Kristus, massai nalnal do denggan basa na tajalo sian Djahowa dibagasan sabulan on, isarana hahipason ni daging nang partondion, boi tapasidung angka tugas dohot tanggung jawabta di parsamean seminarium on songon pangajari hita manang angka parsingkola pe, nang o disongon staf pegawai.Gabe taingot ma hata ni par Pslm na mandok : "sian habinsaran ni mata ni ari ro di hasundutanna di sipujion goar ni Djawoha.

H : Horas, horas, horas ma nang di hamu naposo ni Tuhani!

Pinuji ma tutu goar ni Djahowa olat nion ro di saleleng ni lelengna, hu
hatindanghon hami ma tutu pambahenan ni Djahowa. Ai tumimbul do Djahowa sian

luhutan angka bangso, diginjang ni angka langit do hamuliaonna i.Dang
adong songon Djahowa Debatantai, ai pardenggan basa do ibana ro di saleleng ni
lelengna.

U : Antong tapuji ma Tuhanta dibagasan habadiaon.
U+H : Mangendehon BE. No. 754: 1-2 Gok las ni roha do au

1. Gok las niroha do au dingolungkon, di ngolungkon. gok las ni roha do au
dingolukkon, tontong di rohangkon. mauliate gok las ni roha, maringan
holongmi Tuhan di au.

2. Mardame jala sonang do ngolungkon, dirohangkon, dirohangkon. Mardame jala
sonang do ngolungkon, tontong dirohangkon.
Reff : Mauliate ...................
KOOR STGH / SMP HKBP
U : Marhitehite goar ni Debata Ama, dohot goar ni anakna Tuhan Yesus Kristus dohot goarni Tondi Porbadia, amen!Haleluya!Puji hamu ma goar ni Djahowa, mamujimuji ma hamu ale naposo ni Djahowa.
H : Hamu angka na jongjong di bagas joro ni Djahowa, di angka alaman ni bagas ni
Debatanta! Puji hamu ma Djahowa, ai pardenggan basa do Djahowa, endehon hamu ma goarna, ai hasudungan do ibana.

U : Ai anggo ahu tangkas do huboto, tung na timbul do Djahowa, jala Tuhantai

mangatasi sude angka debata sileban. Haleluya. martangiang ma hita. Ale
Djahowa, sai tangi ma tangiang nami on. jala sai tolhas tu ho ma angguk nami
on. Manandos holiholingku di sibukku dibahen soara ni anggukku. tudoshon
onggang di halongonan do ahu, manang sipauk di turanggong, manang amporik na
metmet meat punjung ditarup ni rumah. Ale anggo ho ale Debata, sai marhabangso
do ho saleleng lelengna, jala marsundut-sundut do parningotan di ho. Amen.

KOOR SMK 1 / SMK 2

2. Mangendehon BE. No. 471:1-2 Hupillit Yesus dongangki BL. 318

1. Hupillit Yesus dongangki lao mangoloi ibana. Di ho ngolungku rodi ajalhu,
Yesus diho au mate, mangolu. diho ngolungku, ro di ajalhu, Yesus diho au mate
mangolu.

2. Rohangku baen ingananmi, patiur ma langkangku. huhatindangkon ma disi, Ho Yesus
palitongki, Diho ngolungku .............

U : Tajaha ma hata ni Debata di manogoton, patujolo ni jamita sibegeonta annon,

ima na tarsurat di Johannes 6:60-66. Asa torop ma sian angka siseanna na
umbegesa mandok: hata na kasar do i, ise pabege-begei?

H : Alai diboto Yesus ma dibagasan rohana, naung marmungut-mungut angka siseanna
siala hatai, jadi didok ma tu nasida;tung ala ni ido hamu targasip?

U : Beha nama anggo idaon muna anak ni jolma i manaek tu inganna hian?

H : Tondi ido na pangoluhon, dang marguna anggo daging i, angka hata naung
huhatahon tu hamu, tondi do i dohot hangoluon.

U : Alai adong do deba sian hamu naso porsea, ai diboto Yesus do sian mulana
nasida na so olo porsea, ro dinanaeng menjehehon ibana.

H : Jadi ninna ma: Dibahen i ma umbahen na hudok tu hamu, naso tarbahen manang ise
manopot ahu, ia so damang mangalehonsa tu ibana.

U : Lan ma angka siseanna i manundalhon ibana olat ni i; dang be didongani nasida

ibana. Songoni ma sahatna.Martua ma jolma na tumangihon hata ni Debata jala na
umpeopsa. Amen!

3. Mangendehon BE. No. 826: 1-2 Gohi Au Tuhan
1. Gohi au Tuhan marhite hataMi, Gohi au Tuhan marhite hataMi, songon hudon
na rumor do au Tuhan di sumurmi. Gohi au Tuhan marhite hataMi.
2. Gohi au Tuhan marhite hataMi, gohi au Tuhan marhite hataMi, na mauas do
tondingku o Tuhan di hataMi, gohi au Tuhan marhite hataMi.
4. Jamita : Pdt. T.W. Rumapea, STh
KOOR SIKKOLA PANDITA
5. Tangiang Pangondianon
6. Mangendehon BE. No. 770:1-3 Tu Debatami (P.Pelean)
1. Tu Debatami na dun gogo i sai maporus ma ho ganup ari, di tanganNa
do ho molo musu ro, tung na sonang diampuanNa ho, di tanganNa do ho,
molo musu ro tung na sonang diampunNa ho.
......... Organ / Song Leader...........
2. Tung sun hinagogo ni Tuhan i, ingot ma Debatam do manghophop,
Nang ponjot rohami, dang na leleng i, tongkin nai pujionmu Tuhan i
......... Organ / Song Leader...........
3. Soara ni olop-olop na i, marsaringar di angka partigor, lan do
gogo disi, mambahen monang i, paima sahat sude tu surgo i.

7. Tangiang Pelean + Ale Amanami + Pasupasu + Amen 3 x
8. Bimbingan Sian Kordinator Kampus Seminarium
9. Tinting Pelean
10. Tinting Gotong Royong